#شرح مفصل حول منظومة FTTX

#شرح مفصل حول منظومة FTTX
من قبل استاذ حيدر #مركز_كراكتاو
السلام عليكم شباب
اكو أسئلة هواية بخصوص ال FTTx تنسئل ومحد يجاوب وهسه راح اطرحها ونتناقش بيها وان شاء الله اجاوبكم
(وعليكم الله لحد يشمر دعايته بنص البوستات).
***شنو ال FTTX
هو مختصر لجمله ( ( fiber to the  و ابدال حرف اكس تنضاف ( H او P  او B او N او (D فتصير
Fiber to the home  وFiber to building و Fiber to premises و الخ لان كل مكان راح يوصله فايبر يأخذ اسم فبالعموم نكتب FTTX

***شنو الفرق بين GPON وEPON
كلمه PON معناها ربط منطقه كبيرة ارخص واجود من ربطها بأجهزة أخرى (مثلا الوايرليس) لتوفير المنطقة بخدمات مثل الانترنت والتي في والتلفون والخ (يعني اني نقل لل DATA ) والمقصود بال PON  أيضا ان هذا الربط راح يمر عبر سبلترات وكابلات أخرى يعني طريقه الربط مو 1:1   ولا  P2P وانما 1:M  يعني  P2MP مما تقلل التكلفة ( لعدم استخدام الريبيترات ) كذلك تغطيه مساحه عالية ( 20 كيلو متر ).
GPON
هو نظام يستخدم طريقه WDM لعمليه ارسال واستلام البيانات (الداون لود والأب لود) عبر كيبل واحد (شعرة واحدة) باستخدام تقنيه ال TDMA ويستخدم عادة للاماكن ذات المساحات الكبيرة,وكل شعرة من الجي بون تكدر تتعامل من 1 الى 128 يوزر والسبب بهذا هو امكانيه دفع البينات بسرع توصل الى 2.5 كيكا داون لود و1.25 كيكا اب لود, وطبعا بما ان كل شعره تتحمل 128 معناها أجهزة التقسيم مثل (السبلترات) والكابلات المستخدمة راح اتصير أكثر وأكثر وبنفس الوقت الجي بون يكدر يتعامل مع أكثر من خدمة ويحقنها بنفس الشعيرة (مثلا خدمات انترنت لأكثر من شركه او اضافه تلفون او تلفزيون والخ) وهذا يتم كله باستخدام البرمجة الخاصة بي وفتح VLANS واضافه ملفات هوست باستخدام ال CLI وبي أيضا برامج لإدارة المشتركين والتعامل معهم. وهذا بي أنواع مثلا (nokia alcatel وHuawei وZTE والخ)
وان شاء الله المرة القادمة راح انزل الكم شلون تم برمجه أجهزة الجي بون بأنواعها وشلون ننصب ونتعامل مع برامج الإدارة.
EPON
هو نظام يستخدم طريقه WDM لعمليه ارسال واستلام البيانات (الداون لود والأب لود) عبر كيبل واحد (شعرة واحدة) باستخدام تقنيه ال TDMA ويستخدم عادة للاماكن ذات المساحات اقل من الجي بون وبنفس التقنية وكل شعرة من أي بون تكدر تتعامل من 1 الى64 وتوصل سرعه البيانات الى1.25 كيكا داون لود و750 ميكا اب لود, وطبعا بما ان كل شعره تتحمل64 معناها أجهزة التقسيم مثل (السبلترات) والكابلات المستخدمة راح اتصير اقل بهوايه من الجي بون, والاي بون بنفس الوقت يكدر يتعامل مع أكثر من خدمة ويحقنها بنفس الشعيرة (مثلا خدمات انترنت لأكثر من شركه او اضافه تلفون او تلفزيون والخ) وهذا يتم كله باستخدام البرمجة الخاصة بي وفتح VLANS واضافه ملفات هوست باستخدام ال CLI وبي أيضا برامج لإدارة المشتركين والتعامل معهم, وطبعا هم اكو نوعيات ذات المستويات العالية مثلا (Huawei وSopot وFOT وCDATA).

***هسه راح نجي عل السبلتر وانواعه وشلون التقسيم يصير
اكو نوعيتين للسبلتر وهي
PLC – Planar Lightwave Circuit وهو تقسيم الشعرة الوحدة الى (2 او 4 او 8 او 16 او 32 او 64) شعره يعني طاقه الضوء تقسم بالتساوي على كل شعره, ويتعامل مع أكثر من طيف موجي للضوء بالإضافة الى الشكل الصغير والتعامل مع كل بورت بثباتيه واستقراريه عالية مع التقسم الصحيح لمقدار الاطياف على كل بورت وهذا النوع هو الأكثر استخداما وشيوعا.
FBT – Fused Biconical Splitter هذا النوع ارخص من PLC حيث الصناعة مالته سهله جدا, ولا يقيد بتقسيم الشعرة الى حسب المطلوب ولكن بي عيوب هواية مثلا اذكر منها لا يستطيع التعامل الا مع جزء قليل من أطياف الضوء ولا يقسم الطيف بنفس المقدار لكل بورت ولهذا يسبب مشاكل اثناء العمل وكذلك يسبب مشكال اثناء وجود درجات حرارة عالية مما يسبب مشاكل LOSS بالضوء.

***ونجي هسه على الكابلات.
الكابلات أنواع واشكال وحسب الاستخدام منها (الشعرة وحدة او أكثر) ومنها الي بيها حماية عادية او قوية او كلش قوية ومنها ما يستخدم حسب الشغل (مثلا هوائي او دفن بالتراب داخل الديوره لاين) والقوية جدا عادة تستخدم (تحت الأرض (دفن)) لصعوبة حملها على تيل الكهرباء ووزنها الثقيل يسبب بقطعها او سقوطها من (الشيالات الي على تيل الكهرباء) فينصح باستخدام الكابلات العادية او المحمي الطبيعي وذلك لسهوله وسرعه الصيانة في حالات القطع واللحيم او الاستبدال.
وطبعا معظم مشاكل الكيبلات الضوئيه هي التفييش والفيش والسبلرات والكسرات كلها تسبب نوووويز بالشغل، يعني مثلا التفييش بالفاست كوكتر مو مثل التفييش المصنعي وكذلك أنواع الفيش ولحيمها وطرق ربطها، وطبعا كل الفيش واللحيم والسبلترات الها أنواع باللحيم وهي APC وUPC وPC واكيد أحسنهم الي APC ومع احترامي اكو هواي شركات ومكاتب تغش بهذا الشي وتكذب وتكوول هاي الأجهزة كلها APC بس مع الأسف عند الفحص يطلع الحجي غير حجي ويطلع اللوز عالي وكلها على حساب المنظومة وجودتها بالشغل. يعني مثلا لازم نعرف شوكت نستخدم التفييش المصنعي ووين وكذلك اللحيم شوكت ووين وكذلك الفاست كونكتر شوكت ووين يعني مو بكيفي اشتغل. ارجع واكول كلشي يبين بالشغل والعيوب كلها تطلع (وتعال يا عمي الحكلي) لان من يطلع يفحص يله روحه لو رابط UTP أحسن مما رابط فايبر.

***هسه نجي على طرق التقسيم
سواء كان عندي gpon او epon فالتقسيم هو واحد، يعني نستخدم مضافات عدد 2 مثلا إذا جان عندي epon وأريد اربط اول شعره (يعني اول 64 يوزر) معناها راح احسب عدد السبلترات وتجي من 8*8 او 16*4 او 2*32 وهكذا
بالنسبة للجي بون لو 64*2 او32*4 او 16*8 وهكذا وطبعا اكو تقاسيم أخرى حسب استخدام المنطقة وحسب خارطتها وحسب بعد الوزريه عن كل سبلتر وحسب طول الكابلات وحسب ابعاد تيوله الكهرباء.
يعني بالمختصر الي يدور راحة الزبون واستقراريه الشغل وراحة باله هم فلازم يدرس الموضوع زين (خارطة وورقه وقلم ومشي ودراسة الموقع) والي يريد شله واعبر (إله الله هو ويوزريته).

ملاحظة أخيرة شباب... يحبذ الانتباه من الأجهزة المستخدمة او الأجهزة الي متعرف مصدرها وين (جوة الدرج) الي لا الها تحديث ولا سبوررت ويحلفووون انه بيها مع العلم يطلع كله كذب لان مع الأسف هواية ناس بلا مصلحه وكلشي متعرف وتسوق لهل الأمور ومن تحجي وياها تلكاها على أساس كلشي تفتهم مع العلم الغاية فقط يبيعلك وبس. واعتذر لان طولت وحجيت هوايه بس جنت حاب أشارك واعلم غيري وإذا عدكم استفسار أكثر او اتريديون معلومات أكثر فاني بالخدمة

اخوكم
حيدر عطار

بعض المصطلحات العامة
-PON - passive optic network
GPON - Gigabit Passive Optical Network
GEPON - Gigabit Ethernet Passive Optical Network
EPON - Ethernet Passive Optical Network
-OLT - Optical Line Terminal
FTTH - Fiber To The Home
ONU - Optical Network Unit

GPON system

هو نظام جيد في جزئية
triple player system "
الي بينقسم الي
" data, telephone and TV systems "
حيث النظامين المتبعين في هذا السيستم " triple player" هما
-GPON
-Ethernet
ولكن الفرق الجهوري بين GPON & Ethernet هو
ان Ethernet يستخدم Active Component
حيث ان Active Component هي اي مكونات تحتاج باور مثل switchs
لكن نظام GPON يستخدم Passive Component
حيث ان Passive Component هي اي مكونات لا تحتاج باور مثل الـ splitter

البعض يسمه ont و البعض الاخر يسميه onu
تسميه ont طبقا ل ITU-T term
تسمية onu طبقا ل IEEE term
التسميتين لهما نفس المعنى
و لكن ال ont يستخدم عندما يكون مكان الجهاز عند المشترك .
مختصر ont هو optical network terminal
بينما مختصر onu هو optical network unit .
و لأننا في وضعنا الحالي سنضع الجهاز في بيت او مكان اليوزر وجب اطلاق مصطلح ont على جميع الاجهزة المستخدمة لكي يفهم الشخص الاخر انك ستضع هذا الجهاز في مكان المشترك .

الفرق بين النظامين GPON & Ethernet systems

GPON system

هو نظام جيد في جزئية
triple player system "
الي بينقسم الي
" data, telephone and TV systems  "
حيث النظامين المتبعين في هذا السيستم " triple player" هما
-GPON
-Ethernet
ولكن الفرق الجهوري بين GPON & Ethernet هو
ان Ethernet يستخدم Active Component
حيث ان Active Component هي اي مكونات تحتاج باور مثل switchs
لكن نظام GPON يستخدم Passive Component
حيث ان Passive Component هي اي مكونات لا تحتاج باور مثل الـ splitter
تحياتي اليكم
مهندس عرفان سومر
مهندس مصطفى مهند
في الإعداد الشرح

معلومات مهمة جدا جدا جدا
1: الكيبل الضوئي انواع كثيرة جدا و النوع الواحد فيه فروقات كثيرة جدا .
2: جهاز ال olt يعتبر قلب  المنظومة و عملية اختياره بشكل صحيح مهمة جدا .
3: جهاز ال onu جهاز له دور كبير في عملية نقل الخدمة للمشترك و انواعه كثيرة و يجب معرفة المواصفات و الكفائة و مقارنتها بالسعر .
4: السبلتر فيه انواع عديدة ايظا و مع هذا الفروقات لا تعتبر كبيرة جدا بين تلك الانواع .
5: العدد المستخدمة مع الكيبل الضوئي أيضا مختلفة و كثيرة جدا و عملية اختيارها ليس سهلا .
6: الكونكترز و الادابترز ايظا انواع متعددة تختلف في كفائتها من حيث النوع و طريقة التصنيع .
7: ماكنة اللحام انواع عديدة  ايظا و يجب اختيارها بدقة .
8: جهاز ال otdr فيه انواع كثيرة جدا مختلف من حيث الوظيفة و الكفائة .
الملخص : معرفة المواصفات لكل جهاز ضرورية قبل عملية الشراء , يجب ان تقرأ مواصفات الاجهزة و تقارن فيما بينها و بين الاجهزة الاخرى و تختار المناسب .

إعداد مهندس عرفان
فكرة : مهندس محمد جاسم
مهندس محمود
كميه الطاقه الضائعه في السبلتر
مع الخساره في كل كيلو متر للكيبل الضوئي للاطوال الموجيه
1310 nm ,1550 nm
طبعا هذه اعلى قيمه
اما الquick connection connector  مقصود بي الfast connector
اما الحام هو اعلى شي   0.1 db
اما عدنه بالعمل هو  0.01 /0.02 db
A.T.H

https://www.facebook.com/groups/268560560167309/permalink/483492388674124/

#منقول من جروب وكلاء  فايبر تو هوم في العراق
https://www.facebook.com/groups/268560560167309/permalink/377838535906177/