#شرح تفصيلي لهذه الهيكلية

#شرح تفصيلي لهذه الهيكلية :
شبكات الجيل الرابع للمحمول بتتكون من مجموعة عناصر مقسمة الى جزئين رئيسين الاول Access وهما eNodeB (او اختصاراً eNB ) وهيا المسئوله عن جميعات العمليات اللى ليها علاقة بـ Radio زى modulation و demodulation و scheduling وغيرهم والجديد فى الجيل الرابع ان eNB (كان قبل كده اسمها BTS وبعدين اسمها node B ) بيكونوا مربوطين مع بعضهم مباشرة مقارنة بالشبكات السابقة كان بيكون فيه جهاز اسمه BSB او RNC (على حسب جيل الشبكة) لربط BTS ولاداء بعض العمليات
الجزء التانى هو core وده بيتكون من مجموعة اجهزة لكل واحد فيهم مجموعة وظائف وهم
serving gateway S-GW
Packet gateway P-GW
Mobile Management Entity MME
Police and charging rule function PCRF
Home subscriber server HSS

وظائف مكونات EPC فى شبكات الجيل الرابع LTE:

1- MME : هو المسئول عن signaling فى الشبكة واللى عن طريقها بيتم انشاء او الغاء connections بين الشبكة وبين اجهزة المشتركين User equipment . وكمان تحديد المنطقة الموجود فيها اجهزة المشتركين واسمها Tracking area. وهو المسئول عن عملية التجوال بين الشبكات المختلفة Roaming control. ولو جهاز المحمول هيستقبل مكالمة بيكون هو المسئول عن ارسال رساله اسمها Paging للمحمول علشان يعرف ان فيه مكالمه هيستقبلها. وكمان جزء التأكد من هويه جهاز المحمول مسئولية MME وبيسموها Authentication.

2- Serving Gateway -SGW : ده الجهاز اللى بيوصل Traffic لمحطات eNodeB واللى بدورها بتبعت الـ Traffic لأجهزة المحمول.

3- Packet Gateway - PGW :هو الجهاز اللى بيوصل core بالشبكات الاخرى زى الانترنت او شبكات المحمول الاخرى. وكمان بيكون مسئول عن اعطاء IPs لأجهزة الموبيل.وبيعمل توجيه للـ Traffic من والى الشبكة (Routing) .وممكن يعمل filtration للـ traffic الى بيعدى عليه.

4- PCRF - Policy and Charging Rule Function: وده المسئول عن تحديد وضمان جودة الخدمة للـ Traffic وكمان تحديد كيفية حساب المشتركين.

5- HSS- Home Subscriber Server: دى قاعدة البيانات المسئولة عن تخزين بيانات المشتركين اللى فى الشبكة.

د.مصطفى جمالة
https://m.facebook.com/story.php?story_fbid=738911059630557&substory_index=0&id=234685936719741