شرح جميل مبسط بيوضح ازاي شركات المحمول نفذت مشروعها

شرح جميل مبسط بيوضح ازاي شركات المحمول نفذت مشروعها
عايز اعمل شبكه موبايل :D
ده اللي هو اذاي حضرتك -_-
عادي عايز اكون اوبيريتور ذي فودافون وموبينيل واتصالات كده :D

تمام .. اولا لاذم تاخد يكون عندك شركه ليها اسم مختلف عن شركات الموبايل ويكون ليها مقر ثانيا تاخد رخصه من الجهاز القومي لتنظيم الاتصالات اللي في القريه الذكيه وتدفع مالايقل عن من 5 - 20 مليار جنيه علشان تشتري باند تبعت وتستقبل عليه :D

ثالثا يكون عندك دراسه جدوي لمشروعك .. بمعني انك هتستخدم الباند ده مكالمات ولا داتا ولا انترنت وفيديو وهكذا .. هتعمل السايتس بتاعتك فين .. عددهم هيكون كام .. الباور اللي هتبعت بيها وكل المعلومات دي :D

وتستني الاجرائات تتم وبعدها .....

تبدا تقسم الباند بتاعك uplink , downlink , guard period

بعدها تقسم الاب لينك والداون لينك مجموعه من القنوات channels

علي حسب لو هتشتغل تو جي هيكون القناه 200 كيلوهرتز ولو ثري جي هيكون 5 ميجا هرتز الباند بتاعها

وطبعا هتكون عامل بلاننج planning

علشان تعرف هتستخدم الترددات فين بظبط وتحسب ال path loss , max transmit power , frequency reuse factor , no of cells per cluster

وكل الحجات دي ...

بخصوص الموضوع ده .. ناس كتير بتتلخبط في جزء ال FDM , FDMA , TDMA , CDMA , TDMA/FDMA

#FDM  frequency division multiplexing

كانوا بيستخدموه في الجيل الاول :D ساعتها مكانش في موبايلات في مصر اصلا .. كان في امريكا والسويد و دول تانيه .. المهم كانوا بيقسموا الباند مجموعه من الترددات وكل 1 يشتري تردد يتكلم عليه وبيكون محجوذ ليه dedicated reserved طول الوقت وده طبعا بيعمل waste use للباند لانه مش طول الوقت بيتكلم

#FDMA  frequency division multiple access

ودي يعني بنقسم بردو الباند قنوات وكل اللي عايذ يعمل مكالمه ياخد تردد يبعت عليه في الاب لينك وتردد يستقبل عليه في الداون لينك ولما يخلص مكالمته يقدر اي 1 تاني يستخد\مه وعلشان كده اسمه multiple access

#TDMA/FDMA time divisin multiple access over freuency division multiple access

ودي الحمدلله حضرناها في مصر في ال GSM

كان بدايه الموبايلات في مصر موبينيل او #الو :D

دي اصلا شركه فرنسيه اسمها اورنج orange

وده السبب ان موبينيل لونها اصفر :D

المهم يعني في التكنولوجي دي بنقسم الباند مجموعه من الترددات كل تردد بنقسمه 8 تايم سلوتس

مش فاهم -_-

يعني كل مستخدم بياخد التردد يحمل عليه جزء من المعلومات لمده معينه ( هي دي التايم سلوت ) وبعدها اللي بعده ياخد نفس التردد وهكذا لحد 8

المده اللي بياخدها كل 1 تساوي 577 ميكرو ثانيه وبالتالي ال 8 يوزرز بيادوا التردد لمده 4.6 ميللي ثانيه و بكده انا قسمت الباند في الترددات والتايم كمان :D

يعني مثلا في الجي اس ام ال 900 عندك 124 كاريير كل كاريير بيستخدمه 8 في نفس الوقت يبقي اقصي عدد يوزرز عالشبكه يكون كام في نفس الوقت ..

لا مش بس كده ده كمان بنعمل حاجه اسمها frequency reuse

موضوع طويل هنتكلم عنه في الايفنت انشالله بالتفصيل بس فكرته اني بستخدم الترددات هي هي مره تانيه في اماكن بعيده علشان اضمن ميحصلش interference

#CDMA  code division multiple access

ودي بقه استخدموها في الثري جي

بميز بين اليوزرز وبعضهم عن طريق اكواد مختلفه

كل 1 بيحمل الداتا بتاعته علي كود مختلف عن التاني وكلهم بيرفعوا الداتا دي علي نفي الكاريير ( 5 ميجا هرتز ) علشان كده ناس بتسميها
wcdma wide band لان الباند بتاع القناه كبير 5 ميجا هرتز الاول كان 200 كيلو هرتز

هنتكلم عن الثري جي بالتفصيل باذن الله واذاي المكالمكه بتتم والاكواد وكل ده وبعدها ال 3.5G , 3,75G , lte

فين بقه اللي كان عايذ يعمل شبكه موبايل :D :D

سعيد