مهندس اتصالات تعريف ومعلومات سكة شركات البترول

سكة شركات البترول
:

تم إعداد هذا الجزء بواسطة:
Ahmed Mostafa Helmy
Mustafa Abdel Hady
جزاهم الله خيرا

مشكلة مجال البترول في كيفية الحصول علي فرصة في احدي شركات البترول بسبب الواسطة او لان الاعلان بيبقي داخل الشركات فطبعا محدش بيعرف عن الفرص الا الناس اللي جواها فكل واحد بيقول لقريبه او صحبه.....بعض الشركات بتكون منصفة جدا وتنزل الاعلان في الجرايد او علي الموقع الخاص بيها بس المشكلة ان اعداد المتقدمين بيكون كبير من جوه اسكندرية ومن برها وخصوصا ان اسكندرية تعتبر مركز رئيسي لشركات البترول زي القاهرة كدة في مجال الاي تي.

مهندسين اتصالات بيشتغلوا في شركات البترول في4 مجالات:
المجال الاول : التحكم الالي وده بينقسم الي قسمين
القسم الاول
(Field Control System):-
العمل بالتحكم في مواقع الانتاج بشركات التكرير او الحفر
طب السوال هو ايه التحكم الالي ده؟
هو كيفية التحكم بالاجهزة والمعدات في مواقع التكرير والحفر بغرض الحصول علي المنتجات البترولية زي البنزين والسولار والبوتاجاز
اي شركة تكرير بتاخد خام بترول عايزة تطلع منه منتجات فلازم تقوم بمجموعة عمليات صناعية بغرض الحصول علي المنتجات اللي السوق محتاجها....وعشان تتم العمليات الصناعية محتاج اعمل عملية تحكم علي كل حاجة عندي في الموقع توصلني للمنتج النهائي زي اني اتحكم في الحرارات والضغوط و المناسيب والكميات اللي ماشية في الخطوط والداخل لوحدات التصنيع والخارج من المصنعلو تفتكروا في سنة تانية في كورس كنا بناخده بتاع د/عادل الفحار كان اسمه
closed loop system
ده يعتبر اساس التحكم الالي بشركات البترول لان فعلا الموضوع بيتم بنفس الترتيب بتاع البلوك الشهير ل
closed loop
يبقي دور مهندس التحكم انه يضمن ان كل الاجهزة اللي في الموقع والخاصة بالتحكم انها شغالة بنسبة100%
نظرا لحساسية النتايج وكمان يقوم بالصيانة اللازمة لكل الاجهزة الخاصة بيه وهي :-
Level Transmitter- Temperature Transmitter- Flow Transmitter- Pressure Transmitter- Control Valves- Switches
دي اشهر الاجهزة اللي موجودة بشركات التكرير والحفر
يعني دورك تشغيل اجهزتك مع ضمان عملها بكفاءة عالية ومعايرتها وعمل الصيانات اللازمة مع حل المشكلات اللي بتحصل
Troubleshooting
وكل شغلك بيبقي جوة الموقع

القسم الثاني
(Digital Control System):-
العمل بالتحكم في غرفة التحكم
Control Room
وهنا بقة بنتكلم ان شغلك هيبقي في3 حاجات مهمين-
PLC (Programmable Logical Control)- SCADA System- DCS
والانظمة دي عبارة عن كيفية عمل مراقبة لكل ال
Plant
بتاعي وانا قاعد في غرفة التحكم وكمان ممكن اتخذ قرارات وانفذها من خلال الانظمة ديوالانظمة دي بتشمل:
Input cards, output cards,processor,network,software (windows,unix)

المجال التاني:- العمل كمهندس
Analyze
وده عبارة عن اجهزة بتحلل المنتجات زي ال
oscilloscope
بيبقي شغل اشارات و تحليل للاشارات دي مع وجود رسومات بيانية وشغل كروت والكترونك

المجال التالت: - العمل كمهندس اتصالات بس في السنترال الداخلي للشركةكل شركة بتبقي كيان كبير فلازم يربطه المكاتب والمباني والادارات والمواقع ببعض ده بيتم من خلال سنترال كامل خاص بكل شركة علي حدي ممكن تقول اشبه بالمصرية للاتصالات

المجال الرابع:- العمل كمهندس اي تي وده نادر شوية لان معظم شركات البترول بتجيب شركات متخصصة وتخليها تضبط لها موضوع الشبكات والسيرفر والكلام ده ويقعدوا ناس خريجين معاهد كمبيوتر يديروا الموضوع ولو في مشاكل بيجيبوا الشركة اللي متعاقدين معاها بس في بعض الاحيان بيحبوا يعملوا ادارة خاصة بالاي تي فيحطوا فيها منهدسين اي تي يديروا الموضوع

اكبر مشكلة انك انت لا تملك الاختيار بحيث انك تختار من الاربعة مجالات المتاحة انت بتدخل الشركة وبتروح المكان اللي محتاجك حسب سياسة الشركة

طيب لو عايز توصل لشركات البترول تعمل ايه عليك وعلي الفاكسات و البريد المسجل وجريدة الاهرام بتاعة يوم الجمعةارسل السي في بتاعك عن طريق البريد او الفاكس

طب ايه اشهر شركات في المجال دهالشركات كتير جدا و بتنقسم الي شركات قطاع عام و قطاع استثماريالفرق ان القطاع العام بيبقي كله ملك للهيئة اما الاستثماري فبيكون جزء للهيئة وجزء رجال اعمال

اشهر شركات قطاع البترول:- شركة العامرية لتكرير البترول- شركة الاسكندرية للبترول- شركة البتروكيمياويات المصرية- جاسكو- سيدبك- اموك- انيربك- ايبروم- صان مصر- بترومنت- بدر الدين- سوميد- بترول بلاعيم-
ELNG- Halliburton- Schlumberger -
الحمرا اويل- بتروجت- الخالدة للبترول- رشيد للبترول- جابكو- ويبكو- بلاعيم- الشركة العامة للبترول

-Enppi

- ELNG

-Halliburton

-Schlumberger

وده موقع وزارة البترول وبيضم كل شركات البترول سواء قطاع عام او استثماري مشتمل العنواين وزي ما ذكرت من قبل شركات البترول معظمها مش بيهتم بالايميل عايز تبعت يبقي ابعت فاكس او بريد مسجل
وزارة البترول مصر

في مشكلة كمان ان الكلية مش مهتمة بالمجال ده بمعني انها مش بتوفر كورسات لطلبة اتصالات في مجال التحكم الالي بل الغريب ان طلبة كهربا باور بياخدوا كورسات اكتر مننا في التحكم بس شركات البترول مش بتعترف بكدة هم بيصنفوا مهندسين باور للعمل بمحطات الكهربا ومهندسين اتصالات تحكم الي بانواعه فانت لو حابب تشتغل في المجال ده يبقي لازم تاخد كورسات مع نفسك في ال
PLC,DCS,SCADA
عشان تفهم الدنيا ماشية ازاي

طب بالنسبة لو انت عايز تكمل ماجستير وخصوصا في مجال شغلك الخاص بالتحكم ....طبعا قسم اتصالات بتاعنا مش بيوفر حاجة زي كدة اللهم الا مادة واحدة كان بيديها د/عبد السلام فتحي ودي ملهاش علاقة باي واقع انت بتشتغل فيه
فالحل اللي ادامك اما كلية هندسة عين شمس او هندسة طنطا او هندسة منوف او الاكاديمية العربية دي الاماكن المتاح فيها دراسه التحكم الالي لان فيها اقسام تحكم