Networking

- شباب ... السلام عليكم
- الحمد للة وبفضلة وبفضل دعواتكم قدرنا نوصل الكتاب الخاص بشرح منهج الــ A+ لعدد كبير من الناس وانا عرفت ده عن طريق نسبة تحميل الكتاب ... ودة اللي أحنا عايزين نوصله أن المعرفة ماتوقفش عند حد ونحاول نوصل المعلومة لاي حد محتاجها في أي مكان ...أنا لما أنشات الصفحة دي كان كل همي أني احاول اخلي الناس والدارسين في هذا المجال لا يقعوا في نفس الأخطاء التي وقعت بها أنا من قبل ... كمان حاولت أني اوفر للناس معظم الماتريال الخاصة بكل الكورسات والشرح الكامل لكل كورس ...وطبعا الماتريال دي بنزلها علي حسب الكورس اللي بنشرحه حاليلا زي ما عملت في الــ A+ ... كان كل همي أني اوفر للناس تمن الكورسات واللي أصبحت غالية دلوقتي عن الأول وخصوصا أن في ناس ليس لديها القدرة علي دفع تمن هذا الكورس ( وانا كنت واحد منهم في يوم من الايام )... وأخلي اللي قادر يدفع يدفعوها في انهم ياخدوا الشهادة الخاصة بالكورس ده وبشرط أن تكون الاستفادة من الصفحة هي نفس الاستفادة من الكورس الخارجي بل سأحاول بفضل الله وبفضل دعواتكم أن اجعلها اكبر أن شاء الله . وبدأت المسار بكورس A+ لان كان في ناس كتير محتاجاه وملهوش ماتريال واضحة وصريحة ... وأنهاردة أن شاء الله أنا جاي اكمل تاني خطوة من الخريطة بتاعتنا وهي شهادة CCNA الخاصة بشركة CISCO ( بس ده مايمنعش أن اللي عندة أي سؤال فيما سبق او أي حاجة تتعلق بكورس A+ أني هشرحها تاني ) ... وأنا بعتبر كورس CCNA محور ارتكاذ وأرض لازم لازم لازم تكون صلبة تحت اي مهندس شبكات محترف ... وماتنساش أنك كل ما تذاكر كل ما هتلاقي معلومات أحنا هنا مجرد أسباب عشان نحطك علي الطريق الصحيح ونديلك البداية اللي انا واثق أن كل الناس هنا هتكمل بعدها للنهاية أن شاء الله  .
- مبدئيا كدا في مجال الشبكات الترتيب والتدريج الوظيفي ... فني شبكات والكورسات اللازمة للتدرج ده هو كورس A+ وتم شرحة بالأضافة لكورس N+ ودة يعتبر مقدمة لكورس CCNA اللي أن شاء الله هنبدأ فيه وهنشرحة .... بعد كده هتبقي مهندس شبكات واول كورس للبداية في المستوي ده هو كورس CCNA مع أن كده بردة يعتبر فني شبكات لو وقفنا لحد كدة فلازم طبعا تكملة المسارات علي أختلاف تخصصاتها .... بعد كدة تبقي في أدارة الشبكات وتكمل باقي المسارات الي أخره ... خلينا دلوقتي نتكلم عن مهندس شبكات وبكدة هنتكلم عن شهادة CCNA الخاصة بشركة CISCO
( ويمكن بعد الانتهاء من هذا الكورس تقدر بردوا تشتغل  Technical Support )  .
- تعتبر شهادات CISCO هي الأساس في أحتراف عالم الشبكات لأنها بتوفر كل المعلومات ابتداءا من الأساسيات حتي أدق التفاصيل . وتنقسم شهادات CISCO  الي ثلاث أقسام :
1- Associated         ( ودة مستوي المبتدئين )
2- Professional     ( ودة مستوي المحترفين )
3- Expert                ( ودة مستوي الخبراء   )
→ Associated Certifications :
- CCDA
- CCNA Routing And Switching
- CCNA Data Center
- CCNA Security
- CCNA Service Provider
- CCNA Service Provider Operations
- CCNA Video
- CCNA Voice
- CCNA Wireless
→ Professional Certifications :
- CCDP
- CCNP Routing And Switching
- CCNP Data Center
- CCNP Security
- CCNP Service Provider
- CCNP Service Provider Operations
- CCNP Voice
- CCNP Wireless
- خلينا نتكلم دلوقتي عن الكورس اللي يهمنا وهو CCNA ودي أختصارCisco Certified Network Associate )   ) .
- كل 3 سنين بيتم تجديد المنهج :
عام 2013 تم تغيير المنهج من CCNA 640 - 802 الي CCNA 200 - 120  
عام 2016 تم تغيير المنهج من CCNA 200 - 120 الي CCNA 200 - 125  
والتغيير عبارة عن مواضيع يتم حذفها ومواضيع أخري يتم اضافتها .
--- خلينا دلوقتي نتكلم عن CCNA 200 - 125   ودي تعتبر محاضرة تعريفية لمحتوي الكورس بشكل عام عشان الناس تعرف ايه اللي هتدرسة خلاله ودة بينقسم لعدة ابواب عند طرقها والدخول لها تعرف فصولها وموضوعاتها :
1- INTRODUCTION :
- والباب ده الباب الأول بيشتمل علي كذا فصل جواه  :
- what is network ? :
- نعرف يعني اية مفهوم الشبكة .
- network topology :
- طرق وأشكال توصيل الأجهزة ببعضها داخل الشبكة ومعرفة مميزات وعيوب كل منهم عن الأخري .
- network types :
- تصنيف الشبكات من حيث المناطق الجغرافية .
- network devices :
- معرفة جميع الأجهزة المستخدمة لبناء الشبكة سواء كانت LAN Or WAN  .
- network models (OSI)
- ودي الــ 7 layers  وأزاي بيتم ارسال البيانات من جهاز المرسل الي جهاز المستقبل .
- TCP / IP models :
- دا المراحل اللي كانت موجودة لمعرفة كيفية خطوات ارسال البيانات من جهاز لجهاز وتم عملها من خلال الجيش الأمريكي وتم تطورها للــ 7 layers  .
- IP :
- هنعرف نوعه اذا كان Public or Private  واصداراته زكيفية تقسيم الــ IP لعدة IPs وذلك لذيادة عدد الــ IPs الموجودة لاستيعاب الاستخدام والتقسيم دا بيتم علي IP Version 4 .
---- وبكده يكون الباب الاول خلينا نعرف باقي الابواب الخاصة بالمنهج :
2- ROUTER & SWITCH COMPONENTS :
- الجزء دة بيتكلم عن المكونات المادية والــ SW لكل جهاز وطريقة عمله .
3- CDP +  LLDP ( موضوع جديد ) :
- ودة من التعديلات المضافة للمنهج الجديد ... ودي عبارة عن بروتوكول وهيتم شرحه باستفاضة
4- ROUTER BASIC COMMANDS :
- ومن هنا يبدأ الجزء العملي ... هنبدأ نعرف ندخل علي صفحة اعدادات الروتر ازاي وهنعرف شوية اعدادات بسيطة لجهاز الروتر مثلا تغيير أسم الروتر وعمل باسورد وازاي نعمل Remote Connection )  TELNET ) علي جهاز الراوتر .
5- ROUTING PROTOCOL :
- هنعرف طرق ربط أجهزة الراوتر ببعضها لبعض ومعرفة أنواع الــ Routing Protocol  وهي :
- Static
- Dynamic ( RIP , EIGRP , OSPF )
ومعرفة كل برتوكول من البرتوكولات دي بيشتغل ازاي وأوامر كتابتها وتنفيذها .
6- IPv6 ROUTING ( موضوع جديد ) :
- في الجزء دا هنتعلم أوامر عمل Routing  لكن علي IPv6  .
7- BGP ( Border Gateway Protocol )  CONCEPT & CONFIGURATION :
- ودة من أكثر البرتوكولات المستخدمة في الأنترنت فهو المسئول عن ربط جميع الــ autonomous system ببعضها البعض .
8- ACL ( Access Control List ) :
- من وسائل الــ Security  مسؤلة عن السماح والمنع مثلا لدخول مواقع أرسال أو أستقبال بيانات معينة من جهاز معين أو السماح لاستقبال بيانات مرسلة ببروتوكول معين مثلا TCP or UDP  وفي منها أنواع :
- Standard
- Extended
وده اللي هنعرفة في الكورس وهنعرف ازاي ان شاء الله نطبقها عملي .
9- NAT ( Network Address Translation ) :
- كل الأجهزة داخل الشبكة بتكون شغال بـ Private IP  بس عشان تطلع علي الانترنت لازم يكون Public IP ... وهنا يجي دور الــ NAT  تحويل الــ Private IP الي Public IP عشان كده بتقوم بتوفير عدد الـ IPs ... يعني ممكن شركة كاملة تستخدم one public ip ... والــ NAT  لها عدة أنواع :
- Static NAT
- Dynamic NAT
- PAT
وطبعا هنعرف تفاصيل كل ده أثناء الكورس أن شاء الله .
10- SWITCHING - BASIC - CONFIGURATION
11- SWITCHING ( STP ) :
- مبدئيا هنتعرف علي switch  بيشتغل ازاي وازاي بيتعرف علي كل الـ MAC Address  لكل الأجهزة لأن السوتش طبعا بيفهم الــ MAC Address  ودا رقم محروق علي كارت الشبكة ومش بيشتغل بالــ IP ... أثناء ما الــ Switch  ما بيتعرف علي الـ MAC Address بيحصل مشكلة أسمها  ... LOOP لحل المشكلة دي بيتم أستخدام بروتوكول STP ...هنعرف طريقة عملة بالتفصيل جوة الكورس أن شاء الله .
12- SWITCH ( VLAN ) :
- هنعرف يعني ايه VLAN  وهنعرف ازاي نخلي كل مجموعه من البورتات بيشتغلوا كشبكة منفصلة عن مجموعة بورتات تانية .
13- INTER VLAN ROUTING & PORT SECURITY :
- هنعرف فكرة الــ Inter VLAN  وايه الــ Routing  اللي بيتعمل عشان نخلي كل الـ  VLANs اللي قسمناهم فوق يشوفوا بعض .
14- PORT SECURITY :
- هنعرف يعني ايه port security يعني مثلا لو في لاب توب تم توصيله في الــ switch  مكان جهاز الكمبيوتر الأصلي فبيحصل Shut Down  ... وهنعرف الاستفاضة ان شاء الله اثناء الكورس .
--- بعدها هندخل علي موضوعين تاني من ضمن الموضوعات الجديدة وهما :
15- SWITCHING LAN SECURITY ATTACK  ( موضوع جديد ) :
- هنعرف في الجزء دة ايه هي انواع الـ Attack  اللي ممكن تحصل وازاي بيتم الحماية منها .
16- DTP - PVST - RSTP  ( موضوع جديد )  :
- ودي مجموعة من البرتوكولات هنتعرف علي فايدة كل منهم وبيستخدم في ايه وازاي ان شاء الله .
17- WAN TECHNOLOGY :
- ودي بتستخدم لربط الشبكات الكبيرة ... وهنعرف ازاي نفعل الــ WAN PROTOCOLS  علي الروتر وايه لازمة الـ Serial port  في الموضوع ده .
17- ETHER CHANNEL  :
- هنعرف هنا ازاي نجمع سرعات كل الــ ports  وهنعتبرهم كابل واحد ... وايه الشروط اللازمه عشان يحصل كدة .
18- AAA  -  DOTI - FHRP ( موضوع جديد  ) :
- Authentication   Authorization   Accounting :
- هنعرف هنا يعني ايه كل واحدة فيهم من اول كتابة اسم المستخدم وكلمة السر وتأكد النظام منها انه مسجل والسماح ليه بالدخول وهنتعرف عن البرتوكولات التانية وظيفتها ايه وطريقة عملها ايه
19- SYS LOG :
- هنعرف هنا السيرفر اللي بيتسجل فيه كل ما يحدث علي أي Switch  أو Router  من أوامر
20- WIRELESS ( موضوع جديد  ) :
- وهنا هتتعرف علي انواع الـ WIFI  داخل الــ LAN  .
21- NET FLOW ( NETWORK FLOW ) :
- وهنا هنعرف الــ traffic  الموجود في الشبكة وعلي أي اساس يتم تحليلها .
22- NTP ( NETWORK TIME PROTOCOL ) :
- هنعرف السيرفر ده ودوره في انه بيقوم بتظبيط الوقت علي كل الاجهزة الموجودة في الشكة .
23- SNMP ( SIMPLE NETWORK MANAGEMENT PROTOCOL ) :
- هنعرف فايدة البرتوكول ده واستخدامة في مراقبة الـ DEVICES  نفسها .
24- DHCP ( DYNAMIC HOST CONTROL PROTOCOL ) ( V4 & V6 )
- هنعرف فايدة الــ DHCP  وازاي بيتم توزيع الـ IPs علي الاجهزة .
--- بعد كدة هنتكلم عن أخر حاجة في المنهج وهم عبارة عن 8 مواضيع من المواضيع الجديدة التي تم اضافتها في المنهج الجديد ومواضيع تم اضافة تعديلات عليها وهي  :
25- NETWORK ATTACK .
26- VPN .
27- GRE TUNNEL .
28- DM VPN.
29- SPAN .
30- QOs .
31- CLOUD COMPUTING .
32- SDN .
33- IOS LINCENSE .
--- كدة نبقي انتهينا من المواضيع اللي هيتم دراستها ان شاء الله في منهج CCNA ... زي ما لاحظنا ان المنهج في جزء نظري وفي جزء عملي ... هنشتغل العملي ان شاء الله علي GNS3 وهرفع اللينك بتاعه واول ما نبدأ في الجزء العملي هنزل شرح البرنامج وطريقة استخدامة ... هنمشي مع بعض خطوة خطوة واحدة واحدة بأذن الله .. هبدأ اشرح المنهج كله فيديو مش مقالات ... هنحدد مع بعض مواعيد هجيب فيها اجهزة سيسكو نوصلها مع بعض علي ارض الواقع أن شاء الله ... وفقكم الله .
- لا تنسونا في دعائكم .