Network Planning

######################
تخطيط الشبكة:
Network Planning:
######################

منقووول للفائدة..
م. محمد سعيد..

البلانر يعتبر من اكتر المهندسين اللي فاهمين تفاصيل الشبكه لانه ببساطه هو اللي بيخططها من البدايه..

علشان تخطط شبكه لازم تكون عامل survey تعرف فيه ايه السبب اللي هيخليك تخطط شبكه جديده في مكان معين ( هل في ضعف في التغطيه ولا الترافك عالي اوي في المكان ده وهكذا )..

بعدها تبدا تجمع البيانات عن المنطقه و حجم الترافيك اللي هتستوعبه و تتوقع عدد اليوزرز و مساحه التغطيه و التكنولوجي اللي هيشتغل عليها السايت 2G و 3G وإلا 3G بس..

طبعا بتشتغل علي سوفت وير مش كل الشغل مانيوال .. اشهر سوفت وير اسمه ال ATOLL..

بتبدا تحسب الاتي..

cell area = 2.6 R^2

number of cells = total service area / cell area

traffic / user / hour = number of calls / cell / hour * ACHT / 3600

ACHT average call holding time aroung 120 sec

traffic measured in erlang

blocking probability must not exceed 2 %

carried traffic = offered traffic ( 1- B )

B is the blocking probablity

بتحسب مساحه التغطيه و عدد السايتات اللي هتحتاجها و الترافيك اللي هيستغله كل يوزر عالشبكه و احتماليه البلوكينج ( يعني ايه احتمال ان يوزر عايز ياكسس و ميلاقيش ترافيك )..

طبعا بتبدا تروح الجهاز القومي لتنظيم الاتصالات في بلدك و تاجر منه license لبعض الترددات في باندات معينه..

بتدفع مبلغ و قدره و تبدا تاخد الرخصه و تشتغل بالترددات دي في شبكتك..

بتشتغل علي باندات 900 و 1800 لو 2G..
,و بتشتغل علي باند ال 2100 لو 3G..
,وبتشتغل علي ال 700 و 1900 و 2600 لو 4G..

دي اشهرهم لكن في باندات تانيه زي ال 800 , 1900 2G
وفي حوالي 40 باند ترددات لل LTE بس انا كاتب اشهر الباندات المستخدمه..

المهم بتبدا تشوف هتستخدم ايه على حسب المكان بتاع السايت .. يعني مثلا..
السايتات اللي زي الاماكن الواسعه اللي فيها ترافيك قليل نسبيا الافضل تغطيها بال 900 لكن الاكتر بالنسبه للترافيك يبقه 1800 ميجا وده طبعا بالنسبه لل 2G..

نفترض انت حجزت 5 ميجا باند هتبدا تقسمهم بلوكات 200 كيلو هرتز بالنسبه لل 2G..
يبقه معاك 25 كاريير..
كل كاريير هتقسمه 8 time slots..
لانك شغال اكسس FDMA / TDMA
يبقه معاك 200 Channel..

تبدا تشيل تقسمهم traffic , control..

ال control ذي ال RACH , BCCH , FCCH , SCH..

نشيل مهنم كمثال 10 كنترول يبقه معانا 190 ترافيك..

190 TCH..

نبدا نوزعهم على ال cells بعد ماحسبنا عددهم و مساحتهم بس خد بالك وانت بتوزع حاول متحطش الكارييرز القريبه من بعضها جنب بعضها مش محتاجة ذكاء هي..

يعني مثلا متوزعش 1 و 2 و 3 و 4 وهكذا في سيلايه واحده لان كده هيظهر معاك مشكله بنسميها ال..
adjacent channel interference..

ودي لانك وزعت الكارريرز و بينهم ميافه تردد صغيره جدا وهي ال 200 كيول هرتز..

فهنوزع بطريق شبه عشوائيه كالاتي..

K , K+N , K+2N , K+3N ,...

بحيث K بتعبر عن رقم السيلايه اللي بنوزع فيها..
و N بتعبر عن عدد السيلات في الكلاستر ( يطلع ايه الكلاستر ده..

يعني لو بوزع في السيلايه رقم 3 يبقه ال K=3 و اول تردد فيها هيبه رقم 3 و التاني هو رقم 10..

باعتبار ان عدد السيلات في الكلاستر 7..

و هكذا..

بالنسبه للكلاستر .. هو المساحه اللي بتوزع فيها كل تردداتك وبعدها بتلاقيهم خلصوا..

فبتبدا تستخدمهم مره تانيه بس بشرط بعد مسافه كبيره اوي بحيث ميحصلش interference بين الترددين اللي شبه بعض..

المسافه دي بتعتمد علي نصف قطر السيلايه و عدد السيلات في الكلاستر..

D = square root ( 3*N*(R)^2)

D is the distance of frequncy reuse
N is the number of cells / cluster
R is the radius of the cell

خد بالك لو المسافه قلت عن اللي حددناها هيظهرلك مشكله اسمها ال Co-channel interference..

كمان بتحسب معادلات ال link budget..

اللي من خلالها بتعرف الموبايل لازم اقل باور بيبعت بيها تكون كام..

ده من خلال حساب الاتي..

base station RX senstivity ( -104 dbm )
feeder and cable loss ( 4 db )
antenna gain ( between 16 and 18 dbi )
diversity gain ( 3 db ) in case of use 2 antennas seperated by ( 1.5 - 5 meter )
path loss ( 100 - 200 db )

then TX power of UR handheld is around 33 dbm..

and also for downlink in the same way..

بالنسبه لتوزيع الترددات علي السيلات بتستخدم..
FCA fixed channel allocation..
DCA dynamic channel allocation..

منقووول للفائدة..
م. محمد سعيد..