التراسل

#####################
التراسل:
Transmission:
#####################

منقووول للفائدة..
م. محمد سعيد..

ببساطه ده مجال قوي جدا بالنسبه لشبكه الموبايل ومحتاج مؤهلات كتير علشان تشتغل فيه..

المجال ده لازم تكون عندك خلفيه قويه عن الشبكه كتكنولوجي وهاردوير كمان..

مجال الترانسميشن ببساطه هو طريقه نقل الترافيك من سايت لباقي اجزاء الشبكه..

بنسميه site to site communication..

و علشان كده انت بتتعامل مع كم ترافيك عالي ومعدل نقل بيانات كبير..

علشان ننقل الترافيك ده لازم نمشي علي قواعد معينه .. القواعد دي هتحددلنا شكل الاشاره و سرعتها و شكل الفريم و معلومات الكنترول عباره عن ايه وهتتحط فين و كل الكلام ده..

وده بقه اللي بنسميه بروتوكول Protocol..

في البدايه ظهر بروتوكول اسمه PDH..

معناها plesioschronous digital Hierarchy..

ودي بتدل على ان الترانسميشن هيكون عباره عن اشارات ديجيتال وبيكون بشكل متزامن بين الترانسميتر والريسيفر و كلمه هيراركي بتدل علي انك ممكن تزود معدل نقل البيانات وتقلله بشكل هرمي..

البروتوكول ده فيه اكتر من ستاندرد..

ستاندرد اوروبا واللي بيسموه ال E1..
,وبعده E2 , E3 , E4..

ستاندرد امريكا و بيسموه ال T1..
,وبعده T2 , T3 , T4..

ستاندرد اليابان واللي بيسموه ال JI..
وبعده J2 , J3 , J4 , J5..

معظم دول العالم بتستخدم ستاندرد أوروبا..

الستاندرد ده قال ان الترافيك هيمشي في كابلات نحاس او كواكسيال copper , coaxial cable..

قال كمان ان الفريم هيكون عباره عن 32 تايم سلوت منهم 30 لليوزرز و ال 2 الباقيين للكونترول..

frame consists of 32 time slot..

each time slot contain 8 bits..

each frame contain 256 bit..

frame duration = 125 microsecond..

then we can transmit 8000 frame / sec grin emoticon..

يعني ايه تايم سلوت دي يافندم ؟

تايم سلوت يعني التشانل اللي بتتكلم عليها بقت شيرد..
time shared channel..

يعني التشانل هتكون موجوده عندك تايم معين تاخد منك شويه داتا و بعدين تروح للي بعدك نفس التايم تاخد منه نفس الداتا و هكذا..

لو حبينا نحسب معدل نقل البيانات عال E1..

data rate = 32 time slot * 8 bit per time slot * 8000 frame per second = 2.048 mbps

يعني سرعه نقل البيانات علي كابل الاي وان 2 ميجا بت في الثانيه..

طب لو محتاج اكتر من كده عندك ال..

E2 = 8 mbps
E3= 34 mbps
E4= 139 mbps

وده بيكون عن طريق multiplexers..

طب بالنسبه لل T1..

بتتقسم 24 تايم سلوت فقط ..

data rate = 24 time slot * 8 bit per slot * 8000 frame per second = 1.55 mbps

اهم مشاكل تكنولوجي ال PDH..

1- low data rates.
2- low capacity.
3- incompatibility.

وعلشان كده اوروبا عملت حاجه اسمها ال SDH..

synchronous digital hierarchy..

وهنا بقينا نستخدم كابلات الفايبر لانها بتبعت وتستقبل الاشاره في شكل light wave..

عن طريق كابلات fiber optics..

بسرعه الضوء..
speed of light = 300000000 m/sec..

,و سموا الستاندرد STM-1..

synchronous transport module - level 1..

وبعده STM - 4 , STM - 16 ,.....

وفي التكنولوجي دي بقينا نبعت كم بيانات أعلى في نفس التايم و بالتالي السرعه زادت كده وحلينا مشكله الداتا ريت القليله..

data rate = 9 rows * 270 colums * 8 bits * 8000 frame per sec = 155.5 mbps

الفريم الواحد من ال STM دي عباره عن ماتريكس مكونه من 9 صفوف و 270 عمود .. كل بكسيل من الماتريكس دي بيمثل تايم سلوت .. كل تايم سلوت شايل 8 بت من الداتا .. وكل الفريم ده بيتبعت خلال 125 ميكروثانيه .. وبالتالي سرعته في الثانيه 8000 فريم..

واخدين بالكم ان اقل حاجه في ال SDH اكبر من اكبر حاجه في ال PDH..

E4 = 139 mbps v.s STM-1 = 155.5 mbbs..

الترانسميشن مجال مهم جدا وطبيعه عمله كويسه ومرتباته كمان بس محتاج منك شغل كتير..

منقووول للفائدة..
م. محمد سعيد..